Мадриднинг "Реал" клуби январь ойидаги трансферлар ойнасида "Манчестер Юнайтед" яримҳимоячиси Кобби Майну ҳақида маълумот сўради. Бу ҳақда журналист Экрем Конур Х ижтимоий тармоғида маълум қилди.
Манбага кўра, Майну агар таклиф маъқул келса, дарҳол испан клубига ўтишга тайёр. Қайд этилишича, "Манчестер Юнайтед" футболчини 80 млнга баҳоламоқда ва уни осонликча сотмоқчи эмас. Шунингдек, "Наполи," "Бавария" ва "Лион" ҳам вазиятни кузатиб бораётгани айтилмоқда.
Кобби Майну "Манчестер Юнайтед" тарбияланувчиси ҳисобланади. 20 ёшли футболчи асосий жамоа сафида жами 74 та ўйин ўтказиб, 7 та гол ва 2 та голли узатмага муаллифлик қилган.













