Қозонда давом этаётган бутунжаҳон Универсиадаси мусобақаларининг бокс спорт турида барча финал йўлланмалари эгалари маълум бўлиб улгурди. Ўзбекистон шарафини сўнгги бўлиб ҳимоя қилган Мирзоҳиджон Абдуллаев бронза медали билан чекланадиган бўлди.
Мирзоҳид ярим финалда мусобақа мезбони россиялик (қозонлик) Умар Магомедовга қарши рингга чиқиб иккинчи раундда техник нокаут билан рақибига имкониятни бой берди ва ярим финалда курашни тўхтатди. Бу натижаси Мирзоҳидга бронза медалини тақдим этди.
Шундай қилиб саккизта вазн тоифасида ярим финал учрашувларида қатнашган ўзбекистонлик боксчиларнинг бештаси эртага бўлиб ўтадиган финал босқичида иштирок этадиган бўлди. Уч нафар спортчиларимиз эса бронза медаллари билан мусобақадаги иштирокларини якунлашди.