"Манчестер Сити" дербида "Манчестер Юнайтед"ни 3:0 ҳисобида мағлуб этди. Эрлинг Холанд дубль қайд этган бўлса, яна бир голга Фил Фоден муаллифлик қилди. Ўйиндан сўнг "шаҳарликлар" бош мураббийи Хосеп Гвардиола киритилган голлар муаллифларига баҳо берди.

"Холанд бошиданоқ ақл бовар қилмайдиган эди. Аммо бу мавсумда у ҳар қачонгидан ҳам яхшироқ. Айтишим мумкинки, у ҳозир треблни қўлга киритган мавсумимиздагидан яхшироқ. У жуда ҳаракатчан. У голлар уриб, бизга ёрдам беришини истаймиз.

Фоден? Бизга у жуда етишмаётган эди. У бизга жуда керак. Фил - клубнинг ўзаги, юраги, "Сити"ни яхши кўрадиган академия тарбияланувчиси. Унинг қайтиши - яхши янгилик," - деди Гвардиола Sky Sports’га.