"Манчестер Юнайтед" устози Рубен Аморим дербида "Манчестер Сити"дан учралган мағлубиятдан (0:3) кейин яна бир бор изоҳ берди.

"Биз АПЛда 7 марта ғалаба қозонган мураббийга қарши ўйнадик. Биз бундай жамоаларга қарши туришга ҳаракат қиламиз. Мен ўзимни ҳимоя қилмоқчи эмасман - биз яхшироқ ўйнашимиз керак. Бугун майда-чуйда деталларда мукаммалликка эришмадик.

Жамоамда максимал даражада ҳаракат қилмаган бирорта ўйинчини кўрмадим. Қолганига мен айбдорман. Баъзида футболчилар кўпроқ югуриши керакдек туюлади, лекин бугун бундай ҳиссиёт йўқ. Бу менинг айбим, футболчиларнинг эмас.

Биламан, мухлисларимизга қийин бўляпти, лекин такрор айтаман, керакли даражада ҳаракат қилмаган футболчини кўрсата олмайман. Бунга мен айбдорман. Таҳлиллар орқали ўйинимизни яхшилашимиз мумкин," - деди Аморим Sky Sports’га.