"Валенсия" жамоаси сардори, ҳимоячи Хосе Гайя Ла Лиганинг тўртинчи турида Каталониянинг "Барселона" жамоасига қарши ўйиндаги йирик мағлубият ҳақида фикр билдирди.
"Кўршапалаклар" 0:6 ҳисобида енгилди.
"Биз "Барса" босим ўтказишини билардик. Бундай вазиятга тайёрланиб қўйган эдик. Бироқ рақиб бизни жуда яхши ўрганиб чиққан экан, уларнинг кучли томонларига қарши тура олмадик. Бу натижа бизга қаттиқ азоб бермоқда. Энди куч тўплаб, олдинга интилишимиз керак", - деб ҳимоячининг сўзларини келтиради Mundo Deportivo.
Тўрт турдан сўнг "Валенсия" тўрт очко билан Ла Лига турнир жадвалида 15-ўринни эгаллаб турибди.
