"Ан-Наср" таркибни кучайтириш учун кенг молиявий имкониятлардан фойдаланишни давом эттириш ниятида. Fichajes портали маълумотига ишонадиган бўлсак, Саудия клуби ҳужумкор ярим ҳимоячи Фил Фоден учун 130 миллион евро таклиф қилган.
"Манчестер Сити" музокараларни бошлаш ниятида эмас. Жамоа бош мураббийи Хосеп Гвардиола Фоденни дахлсиз деб ҳисобламоқда. Гвардиола учун Филнинг нафақат ўйин сифатлари, балки "шаҳарликлар" тарбияланувчиси эканлиги ҳам муҳим. Испаниялик мураббий футболчига тўлиқ ишонади ва унга таянади.
Фил Фоден 25 ёшда. Якшанба куни у "Манчестер Юнайтед" дарвозасига гол урди ва "Манчестер Сити"га дербида 3:0 ҳисобида ғалаба қозонишга ёрдам берди.
