"An-Nasr" tarkibni kuchaytirish uchun keng moliyaviy imkoniyatlardan foydalanishni davom ettirish niyatida. Fichajes portali ma’lumotiga ishonadigan bo‘lsak, Saudiya klubi hujumkor yarim himoyachi Fil Foden uchun 130 million yevro taklif qilgan.
"Manchester Siti" muzokaralarni boshlash niyatida emas. Jamoa bosh murabbiyi Xosep Gvardiola Fodenni daxlsiz deb hisoblamoqda. Gvardiola uchun Filning nafaqat o‘yin sifatlari, balki "shaharliklar" tarbiyalanuvchisi ekanligi ham muhim. Ispaniyalik murabbiy futbolchiga to‘liq ishonadi va unga tayanadi.
Fil Foden 25 yoshda. Yakshanba kuni u "Manchester Yunayted" darvozasiga gol urdi va "Manchester Siti"ga derbida 3:0 hisobida g‘alaba qozonishga yordam berdi.
