Лондоннинг "Арсенал" клуби бош мураббийи Микель Артета ўз жамоасининг Чемпионлар лигасида ғалаба қозониш эҳтимолини баҳолади, шунингдек, "тўпчилар"га турнирда якуний муваффақиятга эришиш учун ҳозирча қандай жиҳатлар етишмаётганини айтди.

Чемпионлар Лигаси-2025/2026 асосий турнирининг дастлабки учрашувлари 16 сентябрь куни бўлиб ўтади. "Арсенал" сафарда Испаниянинг Бильбао шаҳрида "Атлетик" жамоасига қарши ўйнайди.

"Ҳал қилувчи дақиқаларда бутун таркиб билан тайёр туришинг ва имконият туғилганда тўпни дарвозага киритишинг керак," - дея испаниялик мутахассиснинг сўзларини УЕФА матбуот хизмати келтиради.

Бундан ташқари, у ўтган йилги мавсумдан тегишли хулосалар чиқарганини таъкидлади.