37 ёшли америкалик профессионал боксчи Теренс Кроуфорд The Ring журнали томонидан тузилган P4P (вазн тоифасидан қатъи назар) рейтингида биринчи поғонага кўтарилди.

Кроуфорд 14 сентябрь, якшанба куни супер ўрта вазн тоифасида Сауль “Канело” Алваресга қарши жанг қилиб, ҳакамларнинг якдил қарорига кўра  116:112, 115:113, 115:113 ҳисобида ғалаба қозонди. Америкарлик боксчи мазкур ғалабаси ортидан P4P рейтингида украиналик Олександр Усикни ортда қолдириб, биринчи ўринга кўтарилиб олди.

P4P рейтингининг иккинчи поғонасидан Усик жой олган бўлса, 14 сентябрь куни ўзбекистонлик боксчи Муроджон Аҳмадалиевни мағлуб этиб, ўз камарларини ҳимоя қилган Наоя Иноуэ эса кучли учликка якун ясаган.

Тўлиқ рўйхат билан танишинг:

1. Теренс Кроуфорд (АҚШ)
2. Олександр Усик (Украина)
3. Наоя Иноуэ (Япония)
4. Дмитрий Бивол (Россия)
5. Артур Бетербиев (Канада / Россия)
6. Жесси Родригес (АҚШ)
7. Жунто Накатани (Япония)
8. Шакур Стивенсон (АҚШ)
9. Давид Бенавидес (АҚШ)
10. Сауль “Канело” Алварес (Мексика)

Эслатиб ўтамиз, Теренс Кроуфорд тарихдаги учта вазн тоифасида мутлақ чемпион бўлган илк эркак боксчи ҳисобланади. У бунга қадар енгил ўрта вазн, ярим ўрта вазн тоифаларида ҳам барча камарларни қўлга киритган эди.