Дунёнинг энг яхши дарвозабони бу ёз Туркиянинг нуфузли клубига ўтиши мумкин эди.
Журналист Николо Скиранинг хабар беришича, Истанбулнинг "Галатасарой" клуби "Астон Вилла"дан 33 ёшли дарвозабон Эмилиано Мартинесни ўз сафига қўшиб олишга уринган, бироқ инглиз клубига 25 миллион евро таклиф қилишига қарамасдан муваффақиятсизликка учраган.
Maълум қилинишича, "сариқ-қизиллар" вакиллари август ойида аргентиналик дарвозабоннинг вакиллари билан 2028 йил июнь ойининг охиригача мўлжалланган шахсий шартнома шартлари бўйича принципиал келишувга эришган, аммо Бирмингем клуби раҳбарияти трансфер таклифини рад этишга қарор қилган.
Эмилиано Мартинес 2025/26 йилги мавсумда "Астон Вилла" сафида Англия Премьер-лигасида иккита ўйин ўтказди. Унинг ҳисобида "Вилла" таркибида барча мусобақаларда жами 214 та учрашув бор.
