"Ювентус" бош мураббийи Игор Тудор Чемпионлар лигаси доирасида "Боруссия" Дортмундга қарши ўйиндаги дуранг (4:4) ҳақида фикр билдирди.
"Мен бундай ўйинлардан чарчадим, - деди мураббий юзида табассум билан. - Биз жуда кўп гол ўтказиб юборяпмиз. Ўз голларимиз билан жавоб бераётган бўлсак-да, бундай давом этиши мумкин эмас. Иккинчи бўлимда бизга тетиклик етишмади - ўтган оғир ўйин ўз таъсирини кўрсатди. Жамоа жуда осонлик билан ўтказиб юборди. Тўғрисини айтсам, бугунги учрашувдан максимал даражада фойдаландик, деб ўйлайман, шунинг учун мен мамнунман," - деди Тудор Sky Sport нашрига берган интервьюсида.
