Мадриднинг "Реал" клуби ўз майдонида Чемпионлар лигаси умумий босқичи 1-турида "Марсель"ни қабул қилди - 2:1.
Танаффусга келиб таблода 1:1 ҳисоби қайд этилганди. Учрашувнинг 22-дақиқасида Тимоти Веа томонидан киритилган голга майдон эгалари 28-дақиқада Килиан Мбаппенинг пенальтидан урган голи билан жавоб қайтарди. Opta хабарига кўра, "қаймоқранглилар" тайм давомида 11 марта аниқ зарба йўллади - бу ЕЧЛ ўйинининг биринчи бўлимида маълумотлар йиғилган барча вақт ичида (2003/04 йилги мавсумдан бери) клуб рекорди бўлди.
"Марсель" уч бор аниқ зарба берди. Умумий зарбалар сони бўйича ҳам мадридликларнинг устунлиги салмоқли кўринарди - 18:8.
