"Бавария" "Челси"дан ҳужумчи Николас Жексонни сотиб олиши мумкин, гарчи сотиб олиш мажбурияти кучга кирмаса ҳам.
Маълумотларга қараганда, мюнхенликлар жорий мавсумда 40 ёки ундан ортиқ ўйинда камида 45 дақиқа ўйнаган сенегаллик футболчининг тўлақонли трансферини расмийлаштиришга мажбур бўлади. Катта эҳтимол билан бу шарт бажарилмайди, аммо трансфер барибир истисно қилинмайди. Bild хабарига кўра, томонлар ўртасида келишув бор: агар футболчи ўзини муваффақиятли кўрсатса-ю, аммо керакли миқдорда ўйин ўтказмаса, клублар баҳорда келишувни муҳокама қилади.
Transfermarkt экспертларининг баҳолашича, Николас Жексоннинг нархи 50 млн еврони ташкил этади. 24 ёшли форвард "Бавария"га ижара асосида келиб қўшилганидан буён 1 та ўйин ўтказишга улгурди.
