"Bavariya" "Chelsi"dan hujumchi Nikolas Jeksonni sotib olishi mumkin, garchi sotib olish majburiyati kuchga kirmasa ham.
Ma’lumotlarga qaraganda, myunxenliklar joriy mavsumda 40 yoki undan ortiq o‘yinda kamida 45 daqiqa o‘ynagan senegallik futbolchining to‘laqonli transferini rasmiylashtirishga majbur bo‘ladi. Katta ehtimol bilan bu shart bajarilmaydi, ammo transfer baribir istisno qilinmaydi. Bild xabariga ko‘ra, tomonlar o‘rtasida kelishuv bor: agar futbolchi o‘zini muvaffaqiyatli ko‘rsatsa-yu, ammo kerakli miqdorda o‘yin o‘tkazmasa, klublar bahorda kelishuvni muhokama qiladi.
Transfermarkt ekspertlarining baholashicha, Nikolas Jeksonning narxi 50 mln yevroni tashkil etadi. 24 yoshli forvard "Bavariya"ga ijara asosida kelib qo‘shilganidan buyon 1 ta o‘yin o‘tkazishga ulgurdi.
