Мадриднинг "Реал" клуби дарвозабони Тибо Куртуа жамоанинг ҳозирги бош мураббийи Хаби Алонсо қўл остидаги ўйини ҳақида фикр билдирди.
"Қаймоқранглилар" Чемпионлар лигасининг сешанба кунги ўйинида "Марсель" устидан иродали ғалабани (2:1) Килиан Мбаппенинг пенальтидан урган икки голи эвазига илиб кетди. Майдон эгалари ўйинни 10 киши бўлиб якунлашди, аммо барибир ўйин охирида гол ура олишди.
"Агар бутун жамоа билан ҳимояланмасангиз, муаммолар юзага келиши мумкин. Мураббий ҳамма ҳимояга қайтишини диққат билан кузатмоқда. Энди мутлақо барча - вингерлар, Мбаппе, Гюлер, ярим ҳимоячилар тўпни йўқотганидан кейин тезда ҳимояга қайтишлари керак," - деди Куртуа ўйиндан кейинги интервьюсида.
