"Марсель" дарвозабони Херонимо Рульи "Реал" ҳимоячиси Даниэл Карвахаль билан зиддиятга изоҳ берди.
Чемпионлар лигаси 1-турида "Реал" ўз майдонида "Марсель"ни қабул қилди. 70-дақиқада Карвахаль французлар дарвозабонига бош билан зарба бериб, тўғридан-тўғри қизил карточка ишлаб олди.
"Шеригимни чақириб, рақибни ёпиш учун қўлимни кўтардим. Карвахаль қўлимни тортиб олди, шунинг учун баҳслаша бошладик. У бошини бурнимга урди. Муболаға қилмадим, ҳақиқатан ҳам оғриқли эди. Карвахаль хато қилганини дарҳол тушунди," - деди Рульи Marca нашрига.
