"Челси"нинг янги вингери Алехандро Гарначо Аргентина терма жамоаси бош мураббийи Лионель Скалони билан яқинлашиб келаётган жаҳон чемпионатига бориш имконияти ҳақида суҳбатлашди. Бу ҳақда журналист Фернандо Чиж хабар бермоқда.
Манбага кўра, Гарначо Скалонига мундиалга бориш имконияти ҳақида тўғридан-тўғри савол берган ва мураббийдан аниқ ижобий жавоб олган.
"Ҳа, имкониятлар бор, лекин шуни ёдда тутки, сен етакчилар рўйхатида эмассан. Терма жамоага қайтиш учун кўп нарсани исботлашингга тўғри келади," - деди Скалони.
21 ёшли Гарначо Аргентина терма жамоаси сафида 8 та ўйин ўтказиб, 1 та голли узатмани амалга оширган. Вингер охирги марта 2024 йилнинг ноябрида терма жамоага чақирилган эди.
