"Chelsi"ning yangi vingeri Alexandro Garnacho Argentina terma jamoasi bosh murabbiyi Lionel Skaloni bilan yaqinlashib kelayotgan jahon chempionatiga borish imkoniyati haqida suhbatlashdi. Bu haqda jurnalist Fernando Chij xabar bermoqda.
Manbaga ko‘ra, Garnacho Skaloniga mundialga borish imkoniyati haqida to‘g‘ridan-to‘g‘ri savol bergan va murabbiydan aniq ijobiy javob olgan.
"Ha, imkoniyatlar bor, lekin shuni yodda tutki, sen yetakchilar ro‘yxatida emassan. Terma jamoaga qaytish uchun ko‘p narsani isbotlashingga to‘g‘ri keladi," - dedi Skaloni.
21 yoshli Garnacho Argentina terma jamoasi safida 8 ta o‘yin o‘tkazib, 1 ta golli uzatmani amalga oshirgan. Vinger oxirgi marta 2024 yilning noyabrida terma jamoaga chaqirilgan edi.
