Европа чемпионлар лигаси умумий босқичи 1-тури доирасида «ПСЖ» ўз майдонида «Аталанта»ни қабул қилди ва жамоа йирик ҳисобда ғалаба қозонди.

Парижликлар учрашувни шиддат билан бошлади: 3-дақиқада Маркиньос Фабиан Руиснинг узатмасини аниқ йўлга қўйиб ҳисобни очди. Биринчи бўлим якунига яқин Кварацхелия жарима майдони ташқарисидан кучли зарба билан ҳисобдаги фарқни оширди. Биринчи бўлим сўнгида ҳакам ВАР ёрдамида пенальти белгилади, аммо Барколя уни голга айлантира олмади.

Иккинчи тайм бошланиши билан Нуну Мендеш қанотдан рақиб жарима майдонига кириб келди ва пастлатиб зарба берилган зарба эвазига ҳисобни 3:0 кўринишига келтирди. Ўйин сўнгида эса Рамуш рақиб ҳимоячисининг хатосидан фойдаланиб, қўшимча дақиқаларда тўртинчи голни урди.

Шу тариқа, «ПСЖ» мавсумни йирик ғалаба билан бошлади ва муҳим 3 очко қўлга киритди. Учрашувнинг энг яхши футболчиси деб Маркиньос тан олинди — у ҳисобни очди ва биринчи бўлимда рақиб дарвозасига пенальти ишлаб олган.

Лига чемпионлари. Умумий босқич, 1-тур
17 сентябрь. Париж. «Парк-де-Пренс» стадиони
ПСЖ (Франция) — Аталанта (Италия) 4:0 (2:0)
Голлар: Маркиньос, 3 (1:0). Кварацхелия, 39 (2:0). Нуну Мендеш, 51 (3:0). Рамуш, 90+1 (4:0).
ПСЖ: Шевалье; Хакими, Маркиньос, Скринар, Нуну Мендеш (Забарний, 72); Фабиан Руис (Заир-Эмери, 58), Жоау Невеш (Рамуш, 65), Витинья; Кварацхелия (Мбай, 72), Баркола, Маюлу (Ли Кан Ин, 58).
Аталанта: Карнесекки; Белланова, Джимшити (Скальвини, 72), Коссуну, Хин; де Роон, Бернаскони, Муса (Брешианини, 72), Пашалич; Де Кетеларе (Самарджич, 46), Мальдини (Крстович, 46).
Ҳакам – Сандро Шерер (Швейцария)