Саккиз карра “Олтин тўп” соҳиби Лионель Месси фаолиятини якунламоқчи эмас.
ESPN хабарига кўра, 38 ёшли аргентиналик форвард ўзининг ҳозирги клуби - Американинг "Интер Майами" клуби билан янги кўп йиллик шартнома имзолашга яқин турибди.
Томонлар келишув тафсилотларини ҳалигача муҳокама қилишмоқда. Месси тез орада янги шартнома имзолаши кутилмоқда.
Аргентиналик юлдуз 2023 йилнинг ёзидан буён “Интер Майами”да тўп тепади. Унинг клуб билан амалдаги шартномаси 2025 йилнинг декабрь ойи охирида тугайди.













