УЕФА "Кристал Пэлас"ни "УЕФА - мафия" ёзуви туширилган баннер учун жаримага тортди.
Англия жамоаси ўтган мавсум якунларига кўра Европа Лигасига йўлланма олган, аммо бир нечта клубларга эгалик қилиш қоидалари туфайли УЕФА қарори билан Конференциялар Лигасига ўтказилганди. Июнгача уларга ва Европа Лигасига йўлланма олган бошқа бир жамоа "Лион"га битта хўжайин Жон Текстор эгалик қилган эди.
Конференциялар лигаси саралаш босқичи доирасидаги "Фредрикстад"га қарши ўйинда (1:0) "Кристал Пэлас" мухлислари "УЕФА - мафия" ёзуви туширилган баннерни илиб қўйишди.
Бошқарув органини обрўсизлантириш ва спорт тадбири қоидаларига мос келмайдиган маълумотларни тарқатиш учун клуб УЕФА регламентининг 16 (2) (e) ва 11 (2) (d) моддаларига мувофиқ 10 минг евро миқдорида жаримага тортилди.













