Жуд Беллингем Мадрид дербисида майдонга қайтиш ниятида.
"Реал" ярим ҳимоячиси бу мавсумда ҳали майдонга тушмаган. Июль ойи ўрталарида инглизнинг елкасида жарроҳлик амалиёти ўтказилди - у 2023 йил ноябрь ойидан бери муаммоларга дуч келаётга эди.
Аввалроқ Жуд Чемпионлар Лигаси умумий босқичининг 1-туридан ўрин олган "Марсель"га (2:1) қарши ўйинда қайдномага киритилган, аммо захирада қолдирилганди.
AS маълумотларига кўра, дастлабки тикланиш режаси шундай бўлган. Мадридликларнинг якуний мақсади Беллингемнинг 27 сентябрь куни "Атлетико"га қарши ўйинда тўлиқ тайёр ҳолда майдонга тушишидир.
Таъкидланишича, футболчи дербига яхши ҳолатда келиб, асосий таркибда майдонга тушишни мақсад қилган.
Ушбу ўйин операциядан 74 кун ўтгач бўлиб ўтади, гарчи дастлаб футболчининг тикланиши тахминан 90 кун давом этиши кутилган эди.
