«Барселона» ҳужумчиси Маркус Рэшфорд Чемпионлар лигаси умумий босқичи 1-турида «Ньюкасл»га қарши (2:1) қозонилган ғалабадан сўнг фикр билдирди:
«Ажойиб тажриба. Мен ҳар доим «Барселона»нинг катта мухлиси бўлганман. Биз иложи борича кўпроқ ғалаба қозонишни хоҳлаймиз. Мухлислар жамоанинг ғалаба қозониши ва яхши футбол кўрсатишини истайдилар.
Бу ерда ўйнаш осон эмас. Биринчи тайм эҳтиёткор ўтди, бундай жамоага қарши ўйнаш жуда қийин. Бир фурсатда мен бўшлиқ борлигини ҳис қилдим. «Тепиб кўраман», деб ўйладим. Уларнинг футболчиси тўпни тўсишга уринди, шунинг учун мен ундан баландроқ зарба беришга ҳаракат қилдим. Билардимки, тўпга эгалик қилганимда дарвозабон уни қайтариш учун жиддий ҳаракат қилишига тўғри келади.
Мен 100% энтузиазмга тўлганман, жуда катта мотивация ва қатъиятдаман. Жамоамизнинг сифати менга руҳ бағишлайди. Бундай футболчилар билан бирга ўйнаш жуда ёқимли.
Биз фақат ғалабани ўйлаймиз. Рақобат қай даражада жиддий эканини биламиз», — дея Рэшфорднинг сўзларини ВВС келтиради.













