Қозонда давом этаётган бутунжаҳон Универсиада мусобақаларида иштирок этаётган ҳамюртларимиз медаллар учун курашда давом этмоқда.
Дзюдо бўйича ўта оғир вазн тоифасида татамига чиққан Шерали Жўраев ярим финалда япониялик рақибига имкониятни бой бериб қўйди. Шерали унга қадар эстониялик Юхан Меттис ва тожикистонлик Абубакр Раҳмоновларни мағлубиятга учратганди. Энди Жўраев бронза медаллари учун кураш олиб боради. Бронза медал учун курашда унинг рақиби бразилиялик Давид Сильва бўлади.
Шунингдек бугунги кун дастуридан ўрин олган -60кг. вазн тоифасида татамига чиққан Баҳром Иноятов биринчи босқичдаёқ туркиялик Аҳмет Шаҳин Кабага имкониятни бой берди.