"Манчестер Сити" ҳужумчиси Эрлинг Холанд Чемпионлар лигасида киритган голлари сонини 50тага етказди.
"Шаҳарликлар"нинг юлдуз футболчиси бугунги баҳсда иккинчи бўлим бошида гол уриб, "Наполи"ни ранжитди. Эътиборлиси, мусобақадаги 50-голи урилган вақтда фақат бир футболчи ундан ёшроқ бўлган - Лионель Месси (24 ёш-у 284 кун). Норвегиялик футболчи рейтингда 25 ёшу 356 кунлигида 50-марта дарвозани ишғол қилган Килиан Мбаппени ортда қолдирди.
Эрлинг Холанднинг ўзи ҳозир 25 ёш-у 59 кунлик. У 2022 йилдан буён "Манчестер Сити" шарафини ҳимоя қилиб келмоқда.













