Машҳур инглиз собиқ футболчиси Сол Кэмпбелл "Арсенал"нинг "Манчестер Сити"га қарши бўлажак ўйини ҳақидаги тахмини билан ўртоқлашди.
Якшанба куни Англия премьер-лигасининг 5-туридан ўрин олган учрашув бўлиб ўтади.
"Мен "Арсенал" 2:1 ҳисобида ғалаба қозонади деб ўйлайман. Умид қиламанки, Артета жамоаси "Ливерпуль" билан баҳсдан сабоқ олди ва ҳимояланиш ва ҳужумда таваккал қилиш ўртасидаги мувозанатни топди.
Ҳимоячиларга ишониш керак - бутун жамоани ортга қайтара олмайсиз. Баъзида таваккал қилишга тўғри келади.
Балки, бироз эҳтиёткорроқ ўйнаш мантиқийдир, аммо мувозанат - муваффақият калити" - дейди Кэмпбелл.
