Ўтган ёзда "Ливерпуль" бирданига икки қимматбаҳо ҳужумчи - Уго Экитике ва Александр Исакни ўз сафига қўшиб олганди. Июль ойида "қизиллар" францияликни "Айнтрахт"дан 95 млн евро эвазига сотиб олганди. Александр учун "Ливерпуль" бонусларни ҳисобга олмаганда тахминан 145 миллион евро тўлаган.
Журналист Жюлен Лореннинг ёзишича, Экитике Исакнинг эҳтимолий трансфери ҳақида билганида, трансфердан воз кечиши мумкин эди. Энди нидерландиялик мураббий икки ҳужумчи ўртасида ўйин вақтини тақсимлашига тўғри келади.













