"Манчестер Сити" футболчиси Фил Фоден ўтган мавсумдаги муваффақиятсизликлари ҳақида гапирди.
"Шаҳарликлар" мавсумни муваффақиятсиз якунлади ва аксарият ўйинчилар, жумладан, англиялик ҳужумкор ярим ҳимоячи ҳам одатий даражани кўрсата олмади.
"Ўтган мавсумда ўзим хоҳлагандек ўйнамадим, лекин менимча, ҳамма эртами-кечми пасайишларни бошдан кечиради. Мен яхши формада эмасдим. Гарчи бутун жамоада муаммолар юзага келган бўлса-да, бу мен учун баҳона бўлмаслиги керак. Барчамиз керакли даражага эриша олмадик, аммо энди барчасини янги саҳифадан бошлашга тайёрлигимизни кўряпман," - дея Фоденнинг сўзларини келтиради "Манчестер Сити" матбуот хизмати.
