"Manchester Siti" futbolchisi Fil Foden o‘tgan mavsumdagi muvaffaqiyatsizliklari haqida gapirdi.
"Shaharliklar" mavsumni muvaffaqiyatsiz yakunladi va aksariyat o‘yinchilar, jumladan, angliyalik hujumkor yarim himoyachi ham odatiy darajani ko‘rsata olmadi.
"O‘tgan mavsumda o‘zim xohlagandek o‘ynamadim, lekin menimcha, hamma ertami-kechmi pasayishlarni boshdan kechiradi. Men yaxshi formada emasdim. Garchi butun jamoada muammolar yuzaga kelgan bo‘lsa-da, bu men uchun bahona bo‘lmasligi kerak. Barchamiz kerakli darajaga erisha olmadik, ammo endi barchasini yangi sahifadan boshlashga tayyorligimizni ko‘ryapman," - deya Fodenning so‘zlarini keltiradi "Manchester Siti" matbuot xizmati.
