"Сантос" ҳужумчиси Неймар жароҳат сабабли камида бир ой ўйинларда қатнашмайди. Бу ҳақда UOL Esporte журналисти Лукас Мусетти хабар берди.
Клуб аввалроқ футболчида ўнг сон мушаклари жароҳати аниқланганини маълум қилган эди.
Манбага кўра, 20 сентябрь куни Неймар қўшимча текширувдан ўтади. Ҳозирча тахмин шундай: "жуда жиддий эмас, лекин енгил ҳам эмас". Шу боис, у камида бир ой ўйинларда иштирок этмайди.













