"Реал" ҳимоя марказида Дин Хёйсен ёнига ишончили футболчи олиб келмоқчи. Мадрид клубининг шорт-листида бир нечта ҳимоячилар, жумладан, "Арсенал" вакили Вильям Салиба ҳам бор.
"Реал"нинг қизиқиши фонида Салибанинг вакиллари "Арсенал" раҳбарлари билан учрашишни сўрашди. Бу ҳақда Goal портали Indykalia’га таяниб хабар бермоқда. Футболчи томони шартномани узайтириш имкониятини муҳокама қилмоқчи.
Қайд этилишича, Салиба "Арсенал"дан маошини оширишни сўрайди. "Реал"нинг қизиқиши 24 ёшли французга "канонирлар" билан музокаралар жараёнида ёрдам бериши мумкин.
Вильям Салибнинг "Арсенал" билан амалдаги шартномаси 2027 йилнинг ярмигача мўлжалланган.
