Хави Симонснинг агенти Али Барат футболчининг ёзда "Челси"га ўтолмагани ҳақидаги маълумотлар билан ўртоқлашди. "Пари Сен-Жермен"нинг собиқ ярим ҳимоячиси Симонс якунда "Тоттенхэм"ни танлади.
"Тоттенхэм" ва "Челси" - катта лойиҳаларга эга фантастик клублар ва ҳар икки томондан ҳам қизиқиш бор эди. "Челси" ҳар доим бизга нисбатан ҳалол бўлган. Уларда музокараларни давом эттиришни қийинлаштирадиган маълум чекловлар бор эди", - дея Баратнинг сўзларини келтиради RMC Sport.
Барат, шунингдек, мижозининг Парижда қола олмагани, клубнинг ёш футболчиларни ривожлантиришга ёндашувидан қониқмагани учун афсусда эмаслигини қўшимча қилди.
