Италия чемпионатида 4-тур ўйинлари давом этмоқда, "Милан" Удинеда йирик ҳисобда ғалаба қозонди - 3:0. Ўйиндан сўнг "Милан"нинг янги аъзоси Первис Эступиньян Массимилиано Аллегри билан қанчалик яхши муносабатда экани ҳақида гапирди. "Милан" устози дисквалификация туфайли ўйинни ўтказиб юборди.
"Биз жуда мамнунмиз. Ўйинга яхши тайёргарлик кўрдик, рақибни синчиклаб ўргандик. Тўпланган барча нарсаларни амалда қўллашга муваффақ бўлинди. Аллегри билан жуда яхши чиқишиб кетганман, унинг тонуси менга ёқади, у доим жилмаяди, ҳазиллашади, лекин жиддий ишлайди," - дея Эступиньян сўзларини келтиради pianetamilan.
"Милан" кейинги турда мамлакат чемпиони "Наполи"га қарши баҳс олиб боради.
