Italiya chempionatida 4-tur o‘yinlari davom etmoqda, "Milan" Udineda yirik hisobda g‘alaba qozondi - 3:0. O‘yindan so‘ng "Milan"ning yangi a’zosi Pervis Estupinyan Massimiliano Allegri bilan qanchalik yaxshi munosabatda ekani haqida gapirdi. "Milan" ustozi diskvalifikasiya tufayli o‘yinni o‘tkazib yubordi.
"Biz juda mamnunmiz. O‘yinga yaxshi tayyorgarlik ko‘rdik, raqibni sinchiklab o‘rgandik. To‘plangan barcha narsalarni amalda qo‘llashga muvaffaq bo‘lindi. Allegri bilan juda yaxshi chiqishib ketganman, uning tonusi menga yoqadi, u doim jilmayadi, hazillashadi, lekin jiddiy ishlaydi," - deya Estupinyan so‘zlarini keltiradi pianetamilan.
"Milan" keyingi turda mamlakat chempioni "Napoli"ga qarshi bahs olib boradi.
