Италия чемпионатида 4-тур ўйинлари давом этмоқда, "Милан" "Удинезе" майдонида йирик ҳисобда ғалаба қозонди - 3:0. Ушбу ўйиндаги иккинчи голни учрашув иккинчи бўлимининг илк дақиқаларидаёқ Юсуф Фофана киритди. Ўйиндан сўнг у "россонерилар" мухлисларини ўзининг сермаҳсуллиги билан бундан кейин ҳам хурсанд қилишга ваъда берди.
"Мураббий жуда яхши иш олиб бормоқда. Биз муваффақиятларга очмиз ва тўғри йўлни топдик. Аллегри мендан бир мавсумда ўнта гол уришимни сўради ва энди менда бошқа танлов йўқ," - дея Фофананинг сўзларини келтиради pianetamilan.it.
