Italiya chempionatida 4-tur o‘yinlari davom etmoqda, "Milan" "Udineze" maydonida yirik hisobda g‘alaba qozondi - 3:0. Ushbu o‘yindagi ikkinchi golni uchrashuv ikkinchi bo‘limining ilk daqiqalaridayoq Yusuf Fofana kiritdi. O‘yindan so‘ng u "rossonerilar" muxlislarini o‘zining sermahsulligi bilan bundan keyin ham xursand qilishga va’da berdi.
"Murabbiy juda yaxshi ish olib bormoqda. Biz muvaffaqiyatlarga ochmiz va to‘g‘ri yo‘lni topdik. Allegri mendan bir mavsumda o‘nta gol urishimni so‘radi va endi menda boshqa tanlov yo‘q," - deya Fofananing so‘zlarini keltiradi pianetamilan.it.
