Лондоннинг "Арсенал" клуби ярим ҳимоячиси Микель Мерино "Манчестер Сити"нинг Премьер-лига жорий мавсумидаги истиқболлари ҳақида ўз фикрларини билдириб ўтди.
Якшанба куни "канонирлар" Англия чемпионатининг 5-турида "шаҳарликлар"ни ўз уйида қабул қилади.
"Одамлар "Манчестер Сити"нинг икки мағлубиятидан сўнг, жамоа чемпионлик пойгасидан чиқиб кетгани ҳақида гапириб, бироз шошилишди. Олдинда узоқ йўл бор, бу фақат бошланиши. Ўйлайманки, "Сити" чемпионлик учун албатта курашади," - деб Меринонинг сўзларини келтиради City Xtra.
4 ўйиндан сўнг "Арсенал" ҳисобида 9 очко, "Манчестер Сити" ҳисобида 6 очко бор.
