"Манчестер Юнайтед" ярим ҳимоячиси Каземиро шанба куни "Челси"га қарши ўйинда ҳам қаҳрамон, ҳам антиқаҳрамон бўлди.
Бразилиялик футболчи 37-дақиқада гол уриб ҳисобни 2:0 кўринишига келтирди - "қизил иблислар" 2:1 ҳисобида ғалаба қозонишди.
Тез орада ярим ҳимоячи яна ўз номини ҳисоб қайдномасига киритди, аммо бу сафар салбий белги билан - иккинчи сариқ карточка ва четлатиш.
Opta хабарига кўра, Каземиро "Манчестер Юнайтед" тарихида Премьер-лига учрашувининг биринчи таймида гол урган ва қизил карточка олган биринчи футболчи бўлди.
Буни амалга оширган охирги футболчи Эммануэль Адебайор 2012 йилда "Арсенал"га қарши баҳсда "Тоттенхэм" сафида ўйнаган эди.
