Испания чемпионатининг 5-тури доирасида Ла Лига жадвалининг қуйи поғонасида қолиб кетган “Райо Вальекано” ва “Сельта” жамоалари тўқнаш келишди.
Учрашувнинг 49-дақиқасида Иглесиас яқин масофадан зарба йўллаб, ҳисобни 0:1 кўринишига келтирди.
“Райо” сафида Хорхе де Фрутос гол уриб, ҳисобни 1:1 кўринишига келтирди. Учрашув охирида Александр Журавски яхши имкониятга эга бўлди, аммо унинг зарбасини дарвозабон қайтариб қолди. Айни дам ҳар икки жамоа мос равишда 14 ва 15-ўринни бўлишиб туришибди.













