Қозонда давом этаётган бутунжаҳон Универсиада мусобақаларида Ўзбекистон терма жамоаси ўзининг биринчи олтин медалини қўлга киритди. Бу медални боксчимиз Ҳасанбой Дўсматов келтирди.
-49 кг. вазн тоифасида рингга кўтарилган Дўсматов финалда жанубий кореялик рақиби Ин Кю Кимни уч раундда ҳам мағлуб этди ва олтин медални қўлга киритди.
Эслатиб ўтамиз, яна тўрт нафар боксчимиз бугун бўлиб ўтадиган финал учрашувларида иштирок этишади.
Ушбу олтин медалдан кейин Ўзбекистон медаллар сифати бўйича 19-ўринга кўтарилиб олди. Медаллар сони бўйича эса 13-ўринда бормоқда. Терма жамоамиз ҳисобида ҳозирча 1 олтин 2 кумуш 4 бронза расман қўлга киритилган. Учта боксчимизнинг бронзаси бокс баҳсларининг барчаси тугагач расмий манбаларда қайд этилади.