"Барселона"нинг "Хетафе"га қарши ўйинида Фаластин байроғини кўтарган мухлис майдонга югуриб чиқди.
Ла Лиганинг 5-турида каталонияликлар 3:0 ҳисобида ғалаба қозонди.
62-дақиқада Дани Ольмо "Барселона"нинг 3-голини урган вақтда "Estadi Johan Cruyff" майдонига Фаластин байроғини кўтарган мухлис югуриб чиқди. Мухлис хавфсизлик хизмати ходимлари томонидан қўлга олинган.
Воқеадан сўнг, "Хетафе" мураббийлар штаби Ольмонинг голини бекор қилишни талаб қилди, аммо ҳакам Рикардо Бенгоэчеа барибир голни ҳисобга олди ва югуриб кетган мухлис ўйинга таъсир қилмади деб ҳисоблади. Ҳакам билан тортишувдан сўнг "Хетафе" бош мураббийи ёрдамчиси Патрисио Морено қизил карточка олди.














