"Барселона" бош мураббийи Ханс-Дитер Флик "Хетафе"га (3:0) қарши ўйинда Рафинья Диаснинг вақтли алмаштирилгани сабабини айтди.
Бразилиялик вингер ўйинни асосий таркибда бошлади ва 34-дақиқада голли узатмани амалга оширди, аммо иккинчи бўлимда майдонга тушмади - танаффусда унинг ўрнини Маркус Рэшфорд эгаллади.
"Рафиньяни биринчи бўлимдан кейин алмаштиришга қарор қилдик, чунки унда сариқ карточка бор эди. Таваккал қилишни истамадик, чунки у бизга кейинги ўйинда керак бўлади. Бундан ташқари, биз ўнг қанотда ўйнай оладиган, аммо чап қанотда ёки "тўққизлик" сифатида ҳаракат қилишни афзал кўрадиган Рэшфордни ҳам майдонга туширишни режалаштирган эдик," - дея Фликнинг жавобини келтиради BarcaTimes.
