"Манчестер Сити" ҳужумчиси Эрлинг Холанд Англия Премьер-лигасида гол уриш бўйича Норвегия рекордини такрорлади.
25 ёшли футболчи якшанба куни "Арсенал"га қарши кечган ўйинда (1:1) "шаҳарликлар"нинг ягона голини киритди. Энди Холанднинг ҳисобида АПЛдаги 91та гол бор - у бу кўрсаткич бўйича ҳамюрти, "Манчестер Юнайтед"нинг собиқ футболчиси Оле Гуннар Сульшерга етиб олди.
Аҳамиятлиси, бу натижага эришиш учун Холандга 102та, Сульшерга эса 235та ўйин керак бўлган.
Эрлинг Холанд 2022 йилнинг ёзидан буён "Манчестер Сити" шарафини ҳимоя қилиб келмоқда. У икки марта Англия чемпионатининг энг яхши тўпурари бўлган.
