Қозонда давом этаётган бутунжаҳон Универсиадаси мусобақаларида навбатдаги медални боксчимиз Фазлиддин Ғойибназаров келтирди.
-60 кг. вазнда иштирок этган Фазлиддин финалда мезбон жамоа вакили Адлан Абдурашидовга қарши рингга кўтарилди. Учрашув тенг кечди иккала спортчилар биттадан раунди ютиб олишди. Учинчи раундда тенглик кузатилган вазиятда канадалик ҳакам россиялик боксчи устунлигини қайд этди ва Абдурашидов олтин медалга эга чиқди. Ғойибназаров эса кумуш медал билан чекланишга мажбур бўлди.
Ҳозирча боксчиларимиз 1та олтин 1та кумуш ва 3та бронза медалига эга бўлиб туришибди. Олдинда яна учта боксчимиз финалда курашни давом эттиришади.