"Барселона" спорт директори Деку янги юлдуз билан шартнома имзолаш устида иш олиб бормоқда. Transfer News Live’нинг Fichajes нашрига таяниб хабар беришича, Деку каталонияликлар сафига "Манчестер Сити" ярим ҳимоячиси Бернарду Силвани олиб келмоқчи.
Бернардуни келаси ёзда эркин агент сифатида ўз сафига қўшиб олиш мумкин бўлади. Бу муҳим, чунки "Барселона" молиявий қийинчиликларни бошдан кечиришда давом этмоқда. Аввалроқ, "Манчестер Сити" келаси ёзда Силва билан хайрлашишга мойиллиги ҳақида хабарлар тарқалган эди.
Нуфузли Transfermarkt портали мутахассислари 31 ёшли Бернарду Силвани 38 миллион еврога баҳоламоқда.
