Дайо Упамекано "Реал" футболчиси бўлишни истаяпти.

Маrca хабарига кўра, "Бавария" ҳимоячиси бу ҳақда ўз агентига маълум қилган ва у эҳтимолий трансфер устида иш бошлаган. Мадридда бошқа мақсадларга эътибор қаратилган бўлса-да, бундай имконият кўриб чиқилмоқда.

Мюнхенга кўчиб ўтишидан олдин футболчи аллақачон мадридликлар билан боғлиқ эди ва энди у ўз орзусини рўёбга чиқариш ҳамда клубга қўшилиш ниятида.

Таъкидланишича, француз миллий терма жамоасидаги ҳамкори Конате сингари мақсадни кўзлаяпти. Конате ёзда "Ливерпуль" билан шартномаси тугагач, "Реал"га ўтиши мумкин.