Бутунжаҳон Универсиадасининг оғир атлетика мусобақаларида иштирокини бошлаган ҳамюртларимиз дастлабки кунидаёқ медални қўлга киритишди.
77 кг. вазнда мусобақада иштирок этган терма жамоамиз вакили Улуғбек Алимов даст кўтаришда 154 кг, силтаб кўтаришда 197 кг, жами 351 кг. натижа билан иккинчи ўринни қўлга киритди. Улуғбек даст кўтаришдан кейин тўртинчи ўринда бораётганди. Бироқ россиялик рақибининг хатолари сабаб у силтаб кўтаришда Дмитрий Хомяковга етиб олди. Натижада у вазндаги енгиллиги эвазига кумуш медални қўлга киритди.
77 кг. вазнда олтин медални эронлик Расул Тағиён Чодигоний қўлга киритди. У умумҳисобда 355кг. вазнни қайд этди.