Виктор Дьёкереш France Football’дан Герд Мюллер кубогини олди.
"Арсенал" ва Швеция терма жамоаси ҳужумчисига Парижда бўлиб ўтаётган "Олтин тўп" тақдирлаш маросимида соврин топширилди. Герд Мюллер кубоги клуб ва терма жамоадаги голлари сони бўйича мавсумнинг энг яхши тўпурарига топширилади.
2024/25 йилги мавсумда Дьёкереш "Спортинг" сафида ўйнади ва барча мусобақаларда 52 та ўйинда 54 та гол урди. Терма жамоа сафида ҳужумчининг ҳисобида 9 та гол бор.
Аёллар ўртасидаги Герд Мюллер кубогини "Барселона" ва Польша терма жамоаси футболчиси Эва Пайор қўлга киритди.













