"Барселона" президенти лавозимида ишлаб келаётган Жоан Лапорта жамоанинг 18 ёшли ҳужумчиси Ламин Ямалнинг "Олтин тўп" учун иккинчи ўринга муносабати ҳақида фикр билдирди.
«Ямал тушкунликка тушмаган. Албатта, у ҳам Рафинья ва Педри каби ғалаба қозонишни хоҳларди», - деди функционер RAC1 эфирида.
Эслатиб ўтамиз, "ПСЖ"нинг франциялик ҳужумчиси Усмон Дембеле ўтган мавсум якунларига кўра "Олтин тўп" соҳибига айланган эди. Ямал иккинчи ўринни эгаллаган бўлса, совринли учликни парижликлар хавбеки Витинья якунлаб берди.
Бу мавсумда Ямал Испания Ла Лигасининг учта ўйинида майдонга тушиб, иккита гол урди ва учта голли узатмани амалга оширди.
