Руанданинг Кигали шаҳрида велоспортнинг шоссе йўналиши бўйича жаҳон чемпионати ўтказилмоқда.

Қувонарлиси, мазкур мусобақада Ўзбекистон терма жамоаси аъзолари ҳам иштирок этмоқда.
Чемпионатнинг бугун, 23 сентябрь кунги дастурида ҳамюртларимиздан Самира Исмоилова ёшлар ўртасида 18.3 км масофада ўтадиган яккалик вақт пойгасида баҳсларга киришади.

Шунингдек, терма жамоамизнинг икки нафар аъзоси 26 сентябрь куни Мухриддин Саппаров, ёшлар ўртасида гуруҳ пойгасида, Никита Светков эса U23 тоифасида гуруҳ пойгасида қатнашади. 27 сентябрда Янина Кускова аёллар ўртасида, 28 сентябрь санасида Муроджон Холмуродов эркаклар ўртасидаги гуруҳ пойгаларида медаллар учун рақобатлашади.